مبروك الفوز بالبطوله الافريقيه السابعه

رائع ياابو سعيد مشكور علي الفيديو والله مصر كلها كانت افراح والناس كلهم مكنش حد فيهم في بيته الكل بيحتفل في الشارع والاعلام المصرية بترفرف في كل مكان بجد الفرحة حلوة اوي كنا محتاجين نفرح كنا محتاجين يوم زي ده نتجمع كلنا فيه والبسمة علي وجوهنا وكل مصري حاسس انه هو اللي جاب الكأس وكل مصري حاسس بفخر وعزة نفس وكرامة لان اترد له اعتباره ادام العالم كله
الف مبروك لمصر الف مبروك لكل المصريين ربنا يحمي ابطالنا وعلماءنا وقائدنا بصراحة استقبال الرئيس مبارك للمنتخب كان اكتر من رائع فعلا استقبال مشرف من اب حنون سعيد لعودة اولاده سالمين غانمين وكمان برقيات التهنئة اللي ارسلها قادات ورؤساء الدول العربية الاخوة الاشقاء حاجة مشرفة جدا حسستنا جميعا بلم الشمل واننا وحدة عربية واحدة بنفرح لبعض ونحزن علي حزن بعض كانوا يومين في منتهي الجمال في الحقيقة يوم الفوز علي الجزائر ويوم الفوز والحصول علي الكأس مش هقول الفوز علي منتخب غانا لاننا نتمني لهم كل التوفيق هما لاعبوا كويس والتوفيق ده شئ من عند ربنا . احنا كمصريين نتمني في كأس العالم نتمتع بلعبة صح نتمني الفوز للفريق اللي هيلعب بضمير عنده احتراف وموهبه وتوفيق من عند ربنا واكيد هنفرح من قلبنا للفريق اللي هيحصل علي الكأس وهنعمل له تكريم علي المنتدي . الله يبارك فيما رزق ويوفقنا جميعا لما فيه الخير

ميرسي ياابو سعيد علي جهدك الواضح بالمنتدي الله لا يحرمنا منك