اضحك مع المتزوجون

مرة واحد ماشى مع خطيبته واخر انسجام فقالها "عارفة اية هو الحب واية الجواز؟" قالته "لا"

قالها: "الحب زى النجوم الجميلة اللى فى السماء" قالتله"طب والجواز؟" قالها:"دى البلاعة اللى واحنا بنبص على النجوم بنقع فيها.."

واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد

الزواج ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين

واحد نشر في إعلانات مبوبة :مطلوب زوجة!!! تاني يوم جاله

100 جواب فيهم نفس الرد: تاخد بتاعتي؟؟

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه

الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون .!!"

نساء العالم اتحدن وقررن ان لا يقومو باى اعمال فى المنزل وبعد اسبوع تجمعو ليعرفوا النتائج الا ضراب فقالت الزوجة الفرنسية "انا قلت لجوزى ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى يا حبيبتى".وقالت الزوجة الانجليزية "انا قلت لجوزى انا مش هعمل حاجة خالص فى البيت الاسبوع دة اول يوم مشوفتش حاجة تانى يوم بدا يعمل الاكل تالت يوم عشانى وغدانى برة." جت المصرية وقالت "انا قلت لابو العيال انا مش هعمل حاجة فى البيت الاسبوع دة" وقالت "اول يوم ماشوفتش حاجة تانى يوم ماشوفتش حاجة تالت يوم بدات اشوف شوية بعينى الشمال."

مرة واحدة قالت لجوزها "إهدى حبيبى كدة وأرجع زى زمان"، الراجل طلقها و رجع لأيام العذوبية

مدرس رياضيات اتجوز مدرسة رياضيات خلفو ولد شبه منحرف وبنت دايره على حل شعرها

واحد بيقول لمراته ... انا النهاردة عايز رومانسية فى البيت ... راحت الزوجة سألت امها :

يعنى ايه رومانسية ؟؟ الام : مش عارفة بس احتياطى إنقعى الرز

واحده وحشه بتقول لجوزها بكره عيد ميلادى . قالها هنقف دقيقتين حداد

مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟"

مرة حماة أرادت اختباره اجواز بناتها فاخذت الأول وعملت نفسها

اتزحلقت في البحر فنزل وراها وانقذها، تانى يوم وجد عربية بيجو ومكتوب عليها "هدية من حماتك" وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة، أما الثالث فسبها تغرق، ففى اليوم التالى وجد عربية مرسيدس ومكتوب عليها "هدية من حماك"

زوج وزوجة عايشين كل يوم

في نكد راح جوزها قال "نخلى يوم الاربعاء بس هو النكد" قالت له "ماشى"، يوم الثلاثاء جوزها راجع من الشغل، وكانت مراته فرحانة قوي، بيسألها "فرحانة قوي كدة ليه؟" ردت و قعدت تغني "بكرة النكد بكرة، بكرة النكد بكرة"

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى عيد جوازكوا العاشر توديها الصين، أومال فى عيد جوازكوا الخمسة وعشرين هتعمل ايه؟" فقالوا "هروح اخدها"

مرة واحد عصبي اتجوز وحدة عصبية الدكتور جاى ينزل الولد قاله اوعى ياعم انا نازل لوحدى

واحد مشغول اتجوز واحدة مشغولة خلفوا ...عيل مش فاضيلهم

مرة اتنين لسة متجوزين جديد وخرجين ومشين على الكورنيش الزوج:شايفة القمر

يا قمرايا الزوجة :شايف النيل يا منيل

مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟ قالت أصله كان بيحب واحدة ومتجوزهاش .دخل العنبر الى

بعده لقى واحد بيضرب نفسة بالشبشب قالها وده ماله قالتله اصل ده الى اتجوزها

واحدة الدولاب عندها بيعمل صوت لما القطر بيعدى من جنبهم جابت نجار صلحو مرة و اتنين و تالت مرة قالتلو ولاهى مانتا ماشى

الا لما القطر يعدى و اشوفو هيتهز ولا لا شوية و جوزها جة و النجار من الخضة استخبة فى الدولاب .... لما جوزها شافو قالو انت بتعمل اية هنا قالو النجار لو حلفتلك باية مش هتصدق انى مستنى القطر

زائر

طبعا كوميدى جميل ومرسي جدا على الابتسامه اللى رسمتها على وجوه من يقراء عباراتك

ولكن الزواج جنة بجد ولكى يكون جنه لازم الزوجين يعرفوا عايزين ايه من بعض ويرسموا حياتهم ولكن فى الواقع مش فى الاحلام صدقونى عن تجربه
هو ده الحب
تحياتى ابو سعيد

عسلللللللللللللللللل

ساعات وساعات

مفيش حاجه ولا حلوه ولا وحشه على طول

بس فى الاخر

الرك عالراجل

حلوووووووووووووووووووووووووووووووووووووووو bounce

زائر

فعلا الراجل هو المسئول عن كل شئ

tege5171 كتب:: طبعا كوميدى جميل ومرسي جدا على الابتسامه اللى رسمتها على وجوه من يقراء عباراتك

ولكن الزواج جنة بجد ولكى يكون جنه لازم الزوجين يعرفوا عايزين ايه من بعض ويرسموا حياتهم ولكن فى الواقع مش فى الاحلام صدقونى عن تجربه
هو ده الحب

تحياتى ابو سعيد

شكرا لمرورك وردك الجميل
وربنا يطمنك
وانا هاصدقك ان الزواج جنه

TOT كتب:: عسلللللللللللللللللل

ساعات وساعات

مفيش حاجه ولا حلوه ولا وحشه على طول

بس فى الاخر

الرك عالراجل

حلوووووووووووووووووووووووووووووووووووووووو

الاحلى مرورك وردك الجميل

tege5171 كتب:: فعلا الراجل هو المسئول عن كل شئ

حتى عن الضحك كمان
دى تبقى مسئوليه كبيرة قوى
شكرا على مرورك

زائر

اهلابيكى يابنوته اكيد تكونى جميله وجنان
المسئوليه ممكن نتناقش فيها فى موضوع خاص

ولكنى سأكتفى بالرد عليك فقط الان

طبع حتى عن الضحك
مش لازم يوفر لبيته الجو المناسب علشان يضحكو

لو كل راجل عامل اهل بيته على اللى بيشوفه فى تعاملات الناس فى الشارع يبقى مفيش ضحك

ولكنه يفصل هذا عن ذاك لكى تستمر الحياةلانه احوج للضحك من زوجته لما يلاقيه فى عمله

وايضا المراه ف عملها

والابناء فى مدارسهم وجامعاتهم

ولكن بتفاوت

ونرجع نقول انها جميعا مسئولية الرجل بمساعدة زوجته العاقلة

فالغالب فى الزيجات الناجحه ان تكون الزوجه متزنه عقليا اكثر من الرجل

تقبلو تحياتى
ابو سعيد

اشكرك ابو سعيد على النصايح الغاليه دى
يسعدنى انك اول واحد ترد على موضوعاتى
نورت الموضوع

زائر

موضوعاتك منورة بفكرك مش بالردود
وانا عاجبنى طريقة تفكيرك

بالتوفيق ان شاء الله
ابو سعيد يتمنى للجميع عام سعيد

شكرا على مرورك وردك الجميل
نورت يا ابو سعيد[i]

زائر

.كل سنه وانتى طيبه

شكرا لك
وكل عام وانت الى الله اقرب
عام سعيد عليك وعلى الامة الاسلاميه

بصراحة يابنوتة النكت في منتهي الجمال وتموت من الضحك ومعظمها جديدة اخر حاجة

وانا كمان سعيدة اوي بلغة الحوار الحلوة اللي بتسود بين اعضاء المنتدي حاسة فعلا بالاخوة بينكم وده شئ مفرحني كتير

دمتي بكل الخير ياقمر انتي مواضيعك غاية في الجمال وكتير تفكيرك بيعجبني

ودمت بكل الخير اخي ابو سعيد لانك الاخ الاكبر هنا ولانك مميز بمواضيعك ونصائحك وردودك علي اخوانك

ربنا يديم المعروف بيننا اللهم امين

حلوه النكت دي وضحكتني جامد دمك خفيف يا بنوته وشكرا على انك تحاولي رسمه البسمه على وجهنا
[ندعوك للتسجيل في المنتدى أو التعريف بنفسك لمعاينة هذه الصورة]

ميس ايجيبت كتب:: بصراحة يابنوتة النكت في منتهي الجمال وتموت من الضحك ومعظمها جديدة اخر حاجة

وانا كمان سعيدة اوي بلغة الحوار الحلوة اللي بتسود بين اعضاء المنتدي حاسة فعلا بالاخوة بينكم وده شئ مفرحني كتير

دمتي بكل الخير ياقمر انتي مواضيعك غاية في الجمال وكتير تفكيرك بيعجبني

ودمت بكل الخير اخي ابو سعيد لانك الاخ الاكبر هنا ولانك مميز بمواضيعك ونصائحك وردودك علي اخوانك

ربنا يديم المعروف بيننا اللهم امين

ميرسى ميس
انتى الى كلك زووق يا قمر
ربنا يخليكى يارب
اسعدنى مرورك الجميل

[ندعوك للتسجيل في المنتدى أو التعريف بنفسك لمعاينة هذه الصورة]

» اضحك اضحك من قلبك شريط نادر جدا
» اضحك مع شهرزاد
» اضحك مع عادل امام و احمد ادم و شيخ الجامع الارهابى
» اضحك كركر واوعى تفكر حلوة الدنيا زى السكر