ميرسي ابو سعيد وميرسي وردة علي المرور الكريم
طبعا انا وبمنتهي الحب والانتماء لبلدي الغالية مصر اكون سعيدة اوي اني اشارك معاكم في حملة تشجيع منتخبنا المصري للفوز بكأس الامم الافريقية بس اللي انا عايزة اوصلهولكم ياجماعة احنا مش عايزين نبص تحت رجلينا مش عايزين يبقي مافيش في دماغنا غير الكورة وبس احنا كدولة عريقة لها اسمها ومكانتها عندنا اهتمامات تانية كتير اوي بخلاف الكورة وهو ده كان هدفي من الاعلان عن الحملة لعمل يوم لعيد الوحدة الوطنية عايزين يااعزائي لما نقف كلنا صف واحد وايد واحدة ويكون عندنا اهداف كتير لاننا هنكون اقوي مع بعض وهنكون قادرين علي مواجهه كل الصعاب اللي بنمر بيها لكن لو وقفنا عند ماتش كورة هنكسب اه انا معاكم بس هنخسر الوقت اللي بيمر علينا واحنا بنضيعه فيما لا يغني ولا يسمن من جوع .
انا هدفي اننا نتوحد نساعد بعض نرحم بعض نخاف علي بعض نغير من نفسنا للاحسن واللي ماشي في طريق غلط نرشده ونعرفة ان لسه ادامه طريق للتوبة ولسه في فرصة انه يكون احسن واحنا هنساعده لده ياجماعة كتير اوي مننا تعبان نفسيا ومش لاقي حد يسمعه كتير اوي مننا عنده احساس بخيبه الامل والكسل واحنا ممكن اوي نحفزه ونرجعله ثقته في نفسه ونخليه ينتج ويعطي اكتر لمصر اللي عايزة اقوله ان مصر مش مجرد ماتش ولا كأس مصر ام الحضارات ومهد الاديان لازم احنا نحافظ علي ده لازم نواكب تتطور العصر ونسابق الزمن لاننا نكون احسن لاننا بالفعل احسن بس محتاجين توجيه كل اللي بطلبه اننا ومن خلال المنتدي المتواضع ده نوجه بعض ونوفر لبعض فرص ونحب لبعض الخير ونعامل بعضنا كويس ولو بالكلمة الطيبة عايزين نقول لآ لحاجات كتير
لا للسرقة
لا للتسيب والاهمال
لا للكدب والنصب والاحتيال
لا للتحرش والاغتصاب والمعاكسات
لا للتزوير
لا لاهدار الموارد ماء ولا طاقة
لا لللاهمال في النظافة
عايزين نقول اهلا بيوم جديد ملئ بالحب والخوف علي بعض اهلا بيوم جديد كله امل ونظرة افضل لمستقبل جديد
هو ده هدفي الحقيقي اللي من الاساس من اجله انشأت المنتدي انا عايزة اسمعكم وتسمعوني عايزة اساعدكم وتساعدوني عندنا في المنتدي قسم لطلبات الزواج عملته لاني اتمني اسمع ان المنتدي كان وش الخير علي 2 اتجمعوا في الحلال عندنا قسم للاعلان عن المواهب اتمني جدا اعرف ان في حد اعلن عن مواهبه او مؤهلاته واستطاع المنتدي انه يقدمله خدمه انه وجد فرصه عمل انا بسعي اعمل شئ لاني بحبكم ولاني بحب بلدي وعايزاها تكون افضل وبغير عليها لو جت سنه ضاعت منها فرصة في الادب او الفن او العلم او او او ليه احنا كل تركيزنا علي الكورة وبس انا معاكم بشجع منتخب وطني طبعا ونفسي اوي انهم يفوزوا بس انا ببص لابعد من كده انا عايزة مصر تكون فوق كل دول العالم تكون الرائدة في كل شئ عايزاكم تساعدوني في اني اساعدكم عايزاكم تقربوا مني وتخلوا المنتدي يجمعكم وتتحدوا علي الخير ويكون الهدف العام مصر مصر محتاجة ولادها يكونوا متفوقين في كل شئ حطوا ايدكم في ايدي وتعالوا نحلم ببكرة ونحاول نحقق حلمنا قدموا دعوة لكل اللي تعرفوهم علشان يشاركوا معانا علشان نبدأكلنا رحلة التغير وخلي شعارنا مشوار الالف ميل يبدأ بخطوة مصر جميله ولما نكون سوا نتوحد ونحافظ علي جمالها هتبقي اجمل واجمل وهو ده الهدف الحقيقي
اما عن كأس الامم الافريقية انا يكون لي عظيم الشرف اني اشجع منتخب بلدي واقولهم املنا في ربنا ثم فيكم كبير اننا نحصل علي الكأس بتوفيق ربنا واقولهم انتم اقوياء ورجال علي حق واقولهم من ينصرهم الله فلا غالب لهم كلنا معاكم وبنشجعكم وعارفين انكم تقدروا تكسبوا وان شاء الله بتوفيق ربنا هيكون الفوز لام الدنيا مصر اوعد كل اعضاء المنتدي وكل مصري اني سأبذل قصار جهدي لترويج حمله تشجيع المنتخب الوطني الله معهم وقلوبنا معهم وثقتنا في الله كبيرة في ان يكون الفوز من نصيب مصر
ااسف علي الاطالة واتمني لكم كل التوفيق
واكرر شكري لوردة ولابو سعيد وهنتظر منهم انهم يساعدوا معي في ترويج حمله اعادة البناء للافضل
ولكم مني كل التحية مديرة المنتدي / ميس ايجيبت
[ندعوك للتسجيل في المنتدى أو التعريف بنفسك لمعاينة هذا الرابط]
السبت يوليو 11, 2015 7:04 am من طرف hebadexef
موضوع: عيد الوحدة الوطنية المصري. 
