عايزة رأيكم في امر عاجل.

احبائي انا فكرت اني اعمل كوكتيل رومانسي لاقوي واحلي اغاني الحب الجديدة انزله علي شريط كاست او اسطوانة اسمعه علي طول بدل ما بحتار كل ما بجي اسمع حاجة في الاختيار وعلشان كده فكرت اعرض عليكم الموضوع واجمع منكم اراء حول احلي الاغاني الرومانسية . عايزة بقي اشوف الرومانسيين اللي في المنتدي ايه هي اقتراحتهم وبيسمعوا ايه ياريت تكتبولي اسم الاغنية واسم المطرب او المطربة وانا هبقي انزلهم واللي هيقولي عن كوكتيل كله جامد هيكون له عندي مفاجئة حلوة وانا عند وعدي

هنتظر ردودكم

ميرسي لكم جميعا اخوتي واخواتي الاعزاء علي جهدكم واهتمامكم اخي احمد وابو سعيد وامين والغالية بنوتة جنان

بس انا كنت عايزة اوضح ان الكوكتيل اللي انا طلباه كوكتيل رومانسي كله فرح وحب وحياة وامل طبعا مش حزن وفراق وبعد ودموع وطبعا يأحمد انا بعشق اليسا جدا بس انا مش عايزة اغاني تشاؤمية حتي لو كانت لإليسا انا عايزة اغاني هادية كلها رومانسية وحب وفرح وامل في بكرة عايزة تفاوءل وسعادة . عايزة اسمع واتبسط وانسي كل هموم الدنيا .ميرسي جدا علي اقتراحتكم انا هنزلها عندي وهسمعها واللي هيعجبني منها هقولكم عليه . وعلي فكرة في النهاية هقولكم علي الكوكتيل اللي هعمله علشان اللي يحب يعمل زيه وكمان هرفعه كله علي المنتدي للتحميل . لكن اللي هيجيبلي اجمد كوكتيل علي بعضه هيكون له عندي مفاجئة اكيد هتعجبه

بكرر شكري لذوفكم واهتمامكم وبتمني لكم وقت سعيد ومفيد مع المنتدي.

دمتم بكل الخـــــــــــير

هايل يارور بجد انتي نورتي المنتدي والاغاني اللي اقترحتيها فعلا متميزة وانا ان شاء الله هاخد منها اغلبها ان لم يكن كلها في الكوكتيل اللي هعمله انا متشكرة جدا علي انك شاركتيني واهتميتي بموضوعي ومتشكرة اكتر علي انك منحتينا شرف انك تكوني معنا بالمنتدي وتكوني واحدة من اسرتنا وبالمناسبة اباركلك وابارك لكل المصريين في كل مكان علي فوز المنتخب المصري والله بجد الفرحة فرحتين فرحتنا بالفوز بالكأس وفرحتنا برد اعتبارنا ادام العالم كله في مبارة مصر والجزائر الف الف الف مبروك لكل مصري حر بيحب مصر من القلب
تعيشي يامصر رائدة كل عصر