كل الاعضاء لازم يدخلو ويقومو بالرد

يلا كل واحد من المنتدى يقولي لو متضايق او ليس له مزاج او موده مش تمام ازاي يخرج نفسه من اللي فيه طبعا كل واحد منا عارف كويس لما بيتضايق بيعمل ايه عشان يغير جو هسيب كل عضو يقولي يعمل ايه وايه اللي يغير المود بتاعه
انا مثلا لما بتضايق برسم لاني بحب الرسم التشكيلي ورسم الزخارف او اخرج الى اي مكان احبه مع اي صديقه لي

زائر

مسا الخير شهر زاد
موضوعك جميل جدا وفكرته جميله جدا
انا لما بكون متضايق بغير مودى بتفكيرى فى الذكريات الجميله واللحظات الحلوه اللى الواحد عاشها فى الدنيا مع ناس كان بيعزهم وقتها فعلا ممكن الواحد يغير موده ويروق ويبقى كويس
وقبل التفكير فى الذكريات الجميله فى ذكر الله والصلاه على النبى
تقبلى مرورى

زائر

مساء الخير يا شهرزاد
قبل الزواج كنت اسمع اغانى او العب كورة او انام وغالبا انام لانى لما يكون مزاجى مش حلو ممكن تهور واعمل اى شئ

ولكن الان وبعد الزواج
نظرة واحده فى عيون زوجتى
تهدينى وتخلى مزاجى عالى قوى
وكمان لو سعيد ابنى نفس الكلام

اما الان وانا موجود فى السعوديه وزوجتى واولادى بعيد عنى فى دمياط
اكيد لما بشوفهم على النت او بسمع صوتهم اكيد بكون مبسوط خالص

تقبلى تحياتى ابو سعيد

شكرا على ردك ابو مروان واجابتك جميله وفيها هدوء وانسجام وانك ترمي الحدث الحالي والذي اصابك بالضيق وتعكير المزاج
وراء ظهرك وتنظر الى الماضي والاشياء الجميله والذكريات الهاديه والناس الحلوه وربنا يسعدك دايما

واهلا بك ابو سعيد وشكرا على ردك واعتقد ان تفكيرك الحالي يختلف كثيرا عن تفكيرك من قبل الزواج الذي كان متطبع بالطابع الشاب الشقي والذي يخرج حزنه وضيقه على هيئه لعب او حركه وطبيعي في حالتك الان وبعد زواجك اصبحت اهدافك مختلفه وطريقه تغيير مودك مختلفه ويارب يسعدك انت وزوجتك وابنك سعيد دايما ويبعد عنكم الحزن والضيق
[ندعوك للتسجيل في المنتدى أو التعريف بنفسك لمعاينة هذه الصورة]

زائر

شكرا ليكى يا شهرزاد على دعواتك
وربنا يسعدنا جميعا
لان الدنيا بسيطه ومش مستاهله زعل

ابو سعيد

غلطان لما تضايق
اماتضايق قوي أصرخ
من غير ماتضايق
اضحك أوعي تضايق
انسى الدنيا
وخليك رايق

ياريت كل الناس زيك وترمي كل حاجه وتكون رايقه ومش متضايقه وماحدش يشيل حاجه للتاني ويتفاهمو مع بعض اشكرك اخي هشهش على مرورك وردك على موضوعي
[ندعوك للتسجيل في المنتدى أو التعريف بنفسك لمعاينة هذه الصورة]

زائر

[ندعوك للتسجيل في المنتدى أو التعريف بنفسك لمعاينة هذا الرابط]صديقى العزيز

تحيه طيبه كلها روقان وادعيلك وللجميع بالروقان

بس حاول تروق اكبر قدر ممكن من الوقت
لانك مش هتلاقى الروقان ده بعد كده

واسال اللى كان رايقققققق
قووووووووووووى ولكن الحياة ولذتها بالجواز والاولاد والمسئوليه سوف تغير الحال
ودا حال الدنيا

ربنا يروق بالنا جميعا

تحياتى
ابو سعيد

موضوعك مميز ياشهرزاد ومهم جدا اننا نتكلم فيه علشان كل واحد فينا يعرف ازاي ممكن يخرج نفسه من المشاكل والهموم اللي بتحاوطنا في الدنيا

انا بالنسبة ليا لما بكون مضايقة بفتكر حاجتين بيخلوني انسي همومي وارضي بحالي واقول من قلبي الحمد لله

الاولي : لما بفتكر نعم ربنا عليا واد ايه ربنا بيحبني لانه منحني نعمة كذا وكذا ومنع عني شر كان ممكن يكون اكبر من اللي انا فيه بكتير فبقول لنفسي الحمد لله ان جت علي اد كده وقدر الله وماشاء فعل محدش فينا عارف الخير فين وعسي ان تكرهوا شئ وهي خيرا لكم

اما الشئ التاني اللي بفتكره: هي مصائب وهموم من حولي لما بفتكر الناس اللي في محن زي المرضي اللي مش معاهم فلوس للعلاج ولا اللي معاهم بس المرض وبائي خطير ماله علاج او افكر في الناس اللي ماعندهم بيت يأويهم ولا غطا يغطيهم او افكر في ان اللحظة اللي انا زعلانة فيها دي علي الامر الهين ده في ام بيموت ابنها ادام عنيها وقلبها بيحترق ويتقطع عليه في فلسطين او غيرها من دول المسلمين و غيرها وغيرها من الهموم اللي تستاهل الوقفة عندها وقتها بس بحس اني فرحانة بمقدار الحزن البسيط اللي عندي وان من رحمة ربنا بيا انه اعطاني حزن بسيط وفضلني عن غيري مما يعانون في الدنيا من الشدائد وكل اللي بفكر فيه وقتها اني ادعيلهم ان ربنا يخفف عنهم ويصبرهم ويبدلهم خير في الدنيا والاخرة ويرزق الجميع ويرحمنا جميعا برحمته التي وسعت كل شئ

طبعا انا سعيدة جدا بموضوعك ياشهرزاد واطلعت علي رأي ابو مروان وابو سعيد وهشهش وكل ردودهم عجبتني اوي بتمني لهم جميعا كل التوفيق والسعادة والرضا

عايزة اقولهم لو عايز فعلا تعيش سعيد عيش حياتك راضي عن حلوها ومرها هتلاقي ربنا يخلف عليك بالخير لانك حامد وشاكر وافتكر ان مهما ربنا ابتلاك لن تصل مصيبة الابتلاء لمقدار نعمة واحدة من اللي ربنا انعم بها عليك

تقبلي مروري ياقمر ودمتي بكل الخير

غلطان لما تضايق
اماتضايق قوي أصرخ
من غير ماتضايق
اضحك
أوعي تضايق
انسى الدنيا
وخليك رايق
///////////////////////////////////
هشام في التمام

شكرا لكي يا ميس ردك جميل واعجبني جدا واشكرك على مرورك واهتمامك بمواضيع المنتدي
اخي مانشي ياريت لو فرحان او مش متضايع استمتع وعيش حياتك واملاها حب وهنا ورضا
ويارب يكتب لينا الفرحه دايما ويبعد عنا كلنا الحزن
آمين
[ندعوك للتسجيل في المنتدى أو التعريف بنفسك لمعاينة هذه الصورة]

اختي شهرزاد
اولا انا عجبني جدا موضوعك وفكرته جميلة
ثانيا انا في غاية السعادة اني اشوف موضوع جميل لشهرزاد المنتدى
بس انا لما بكون متضايقة بحاول افضفض لحد قريب مني
حد بحبه جداااا واثق فيه جدااا
يعني اختي او صديقة ليا
المهم اني احس اني ارتاحت وتخلصت من المشاكل اللي جوايا
بس دة طبعا صعب شوية لباقي الناس
لان ممكن يشكي همومه لحد غير اهل للثقة
انا عموما مش بطمن اوي غير لاهل بيتي
يعني صعب اوي اشكي همومي برة البيت
وربنا ما يجيب مشاكل
وبشكرك اوي يا شهرزاد وبجد اسعدني موضوعك الجميل
وان شاء الله يجيلك قريب اوي شهريار يخطفك على حصان ابيض
وتعيشى في تبات ونبات وتخلفوا صبيان وبنات
تقبلي هديتي لكي
[ندعوك للتسجيل في المنتدى أو التعريف بنفسك لمعاينة هذه الصورة]

موضوع جميل اشكرك عليه
انا بقى لما اكون مضايقة بيكون القلم هو الحاجة الوحيدة الى
بلجا اليها بكتب كل الى مضايقنى وبعد كدة بقطع كل الى كتبته
مش عارفة ليه وقتها بحس انى مرتاحة

زائر

شكرا لك شهر زاد على موضوعاتك الهادفه واتمنى لكى السعاده دائما

» بدون عنوان
» سلامي لجميع الاعضاء
» موضوع يريح على الاعضاء لطلب الاغاني من المشرف