الي حناطه

صديقي العزيز حناطه من متحف اللوفرالعام1998م

لم يستدل علي العنوان

صديق العمر حناطه
لسه فاكرني ياحناطه
ولاخصخصت أحلامك
فاكر لما رسمنا
أبو قردان الجميل
وعشقنا من الطين
أحلي التماثيل
فاكر لما كنا فلاحين
اما كنا بنزرع ونقلع
وميهمناش نغوص
في الطين
كان يا حناطه
كل شيئ أيمها جميل
فاكر ياحناطه بهيه
ايوه ..دي ال
في شعر الأبنودية
لسه يا حناطه فيه بهيه
ولاالعيون بقت مدارية
لسه ىا حناطه فيه
زغروطة زي زمان
ولاده شيئ في
كان ياما كان
فاكر يا حناطه
لما لبسنا كسكته وكوفيه
وعملنا أل أيه فنانين
فاكر لما ضحكو علينا
وقالوا دول شوية فلاحين
ميعرفوش يكتبو
نون ولا ميم
يارتنا يا حناطه
فضلنا مغمضين
يا رتنا فضلنا
في العسل نايمين
بص يا حناطه أنا بكتبلك
من متحف اللوفر
من بلاد الشياطين
بيني وبين الموناليزا
خطوة أوخطوتين
تصدق ..باحناطه
عندنا في مصرمليون
موناليزابس احنا
عمينا مش شايفين

مهما روحنا باريس
ومهما شوفنا كتير
زى بلادنا مفيش مثيل
تفائل خير اخى
ويارب حناطة ياخد بالة من موناليزا المصريه
جميل اخى تسلم الايادى
وفى انتظار جديدك

مشكور ياهشام علي الشعر الرائع هذا وانا اضم صوتي لصوتك واناشد حناطة انه ميخرجش من جلباب ابيه وانه يعرف ان اللي مالوش ماضي مالوش حاضر ولا ينتظر مستقبل ويعرف كمان ان مصر هي ام الدنيا فيها كل شئ جميل العالم كله بيحسدنا عليها احنا لازم نعرف قيمتها ونحافظ عليها ونعمر ونبني ونكبر فيها ونعرف ان البنت المصرية بنت بلد جدعة فيها الانوثة والجمال والدلال ووقت الشدة تلاقيها جنبك ب 100 راجل