الواد فبطن امه.. ف الشهر التاسع من شهور
قـالــتــلـه اوعــى تــنــزل ..بابــنـي الـبــلـد بتثور
و انـــا بــوعــدك..هـبـقـى أولــدك ,,لـمـا الــريـس يـغـور
... ... ... ...
أنزِل يا أماا ؟-
يابــنــي اسـتـنى الريس غار -
بـــــــس مـــــافـيش استقرار
علشان تلقى رغيف العيش
اُصبُـر ست شهور عالجيش
انزل يا أماا ؟-
يا بني استنى ماتستعجلش !!-
!انا عايزاك يعني ماتنزلش ؟
سيب الجيش شغال بمزاج
ليه تفسي كاوتش الانتاج ؟
و خلاص بيحاكموا اهو المخلوع
يعني اتطمن م الموضوع
و بكرة جمعة التطهير
يوم السبت اِنزل على خير !
هااا.. انزل يا أماا ؟ -
لا استني كمان معلش-
اصل الناس يومها مانزلتش
يا أما ازاي ؟ ده أنا لسة شايف ف المصري اليوم-
! التحرير فيه كذا مليون ...
ما تبقاش خايب زي ابوك -
! دول فوتوشوب .. ازاي خدعوك
:O انزل يا أماا ؟؟-
اسكُت يابني -
شفت ابوك راح يشتري فول
راحوا مسكوه على انه فلول ,,,
يا أما ازاي ؟؟؟ من غير قضية ؟؟-
لأ محاكمة عسكرية -
:S طب أنزِل يا أماا ؟؟-
شفت في حادثة ناحية بيتنا -
كنيسة اتضربت فحصل فتنة
ازاي يا أما !! و الجيش فين؟؟-
أما صحيح مجلس مساطيل
يا بني بس ماتظلمهوش-
!كانت الساعة اتنين بليل
______
أناا ناااازل يا أماا -
مش عارفة ليه مستعجل انتَ-
فاكر انك أجدع م الشرطة ؟!
اُصبُر شهر اتنين ب كتيره
و اِنزل على تسليم السُلطة
:S
لأه خلاص يا أما و لايهمِك-
خدت خلاص عالقعدة ف بطنِك..
بس فحالة اني زهِقت
وصلي عندي كابل الِنت
و لو الكابل هيعمل زنقة
حطي بداله واي فاي مش فارقة
و بلاي ستيشن و دراع مالتي
نلعب أنا و أخويا يا مامتي
اه ب الحق اخوك عامل ايه ؟-
سلملي بالمرة عليه
:اخويه كويس اهو بيقولك -
ماتنسيش تبعتي ليه بلالين..
..بكره هيتم التلاتين
: و بيسأل
ينزِل يا أما